لك سيدتى مائده رمضانيه(فراخ محشيه- رقاق(أممه)-بطاطس-ملوخيه -أرز بالكبد والقوانص)

اولا :الفراخ المحشيه بالمرته
بعد أن تنظفى الفراخ جيدا وتضيعها فى الخل لضمان النظامه لمده من 5 الى 10 دقائق
تكونى محضره 5 بصلات متوسطين الحجم او حسب ماترى حجم الفراخ تبشريهم وتضعى فى البصله معلقه صغيره سمن ومعلقه كبيره كمون وملعقه صغيره ملح ملئ معالق البهارات وتخلطيهم جيد ويكون لون البصله مثل لون الكمون لا تغمقيها اوى بالكمون
بعد ذلك احشى الفرخه بثلاث ارباع البصله وتغلقيها بالخلايات (السلاكات) اسهل من الخياطه طبعا وبالسكينه تحدثى فتحات فى الفرخه لكى تستوى البصله

تكونى محضره حله مناسبه وتملائيها بالمياه وتضعى فيها معلقه صغيره سمن والربع المتبقى من البصله وعندما تغلى تضعى الفرخه على الصدر لمد 20 دقيقه لو الفرخه كبيره كل وجه نصف ساعه وتضعى الملح مع الذوقان حسب الرغبه وتقلبيها على الظهر بعد ذلك وعند الاستواء اخرجيها من الشوربه وضعيها فى الشوايه او الفرن حسب الرغبه

ثانيا: الرقاق
تشترى الجلاش من اى ماركت وكيلو لحمه مفرومه
اولا تعصجى اللحمه اى تبشرى عدد 2بصله كبيره الحجم وتضعيها فى الزيت وتقليها الى ان تدخل فى الاصفرار ثم تضعى اللحمه وتقلبيها جيدا الى ان تأخذ اللون البنى وتقلبى ثم تضعى فلفل اسود حسب الرغبه والملح يكون اخر شئ عند الاستواء

تحضرى صينيه متوسطه الحجم وتدهينيها قليل جدا جدا من السمن تضعى اول ورقه جلاش ومع كل طبقتين تمسح بقليل من السمن ممكن تعملى 6طبقات تحت ثم تضعى اللحمه مع فردها بالمعلقه ونفس ال6 طبقات الاخرين بنفس الطريقه بعد ذلك تقطعيها يالسكينه قبل الدخول للفرن وتدخليه الفرن الى ان يصفر الوجه
تكونى محضره كوب كبير لبن و2بيضه صغيره وقليل من الملح جدا تخلطيهم ببعض جيدا ثم تضعيه على الرقاق بعد ذلك تدخلي الصينيه مره أخرى الفرن وحمريها حسب الرغبه لكن لا تدعيها تنشف

طبعا البطاطس
تقطعى اثنين بصله متوسطه حلقات وتفركيهم بقليل من الملح والفلفل ثم تقطعى البطاطس دوائر وتضعيهم بالصينيه وتكونى محضره طماطم او الصلصه حسب الرغبه ترصى البطاطس فوق البصل وتضعى شوربه فراخ عاديه لكن طبعا هتكونى عامله الفراخ المحشيه فهتضطرى تضعى ماء وتضعى الطماطم ثم تضعى زيت على وجه الصينيه وتتركيها تستوى على النار تزودى ماء الى أن تستوى وتتسبك وملح اذا أرادت بعد ذلك تدخليه الشوايه لكى يتحمر الوجه

الملوخيه
اولا اما هتشترى الملوخيه وتقطفيها وتغسليها وتفرميها او هتشتريها مجمده حسب ماتريدين
تضعى فى حله قليل جدا جدا مقدار 3ارباع كوب ماء طبعا لانك عامله فراخ محشيه مش هنقدر نعمل الملوخيه بالشوربه بعدين تضعى مكعب مرقه دجاج ماجى وقليل جدا من صلصه الطماطم يكون لونها وردى وتضعى بعض من الثوم بالكزبره ( ثومه كامله تفرميها وتضعى عليها كزبره مطحونه وتخلطيهم ببعض جيدا الى ان تأخذ الثومه لون الكزبره تضعى فى الماء ربع وتتركى الباقى على جنب)
عندما تغلى الماء تضعى الملوخيه وتقلبى جبدا
هاتى مقلايه ضعى فيها سمنه معلقه كبيره ثم ضعى بافى الثومه وقلبى الى انا تبدأ تتحمر أقلبيها على الملوخيه ( وهذه هى الطشه بالمصرى )
ودعى الملوخيه تأخذ غلوه واحده وضعى ملح اذا احتاجت

ملحوظه : لاتغلى الملوخيه كثيرا لانها تسقط تلاقى المياه او الشوربه طلعت فوق والملوخيه أرتكزت تحت

أما الأرز بالخلطه بالكبد والقوانص
هاتى نصف كيلو كبد ونصف كيلو قوانص وممكن قلوب ربع كيلو وضعيهم بالفريزر اليوم اللى قبل الأكله
تانى يوم طلعيهم وقطعيهم قطع صغيره جدا جدا وهما متجمدين عشان مايبوظوش خصوصا الكبده ممكن القوب والقوانص يفكوا شويه مش مشكله لكن أهم حاجه الكبده تتقطع وهى مجمده بعد ذلك تحضرى بصلتين كبار وتبشريهم وتضعيهم فى حله فى زيت الى أن يصفروا او يدخلوا لاصفرار تضعى أولا القوانص والقلوب بعد غسلهم جيدا طبعا وتقلبى جيدا لانهم يأخذوا وقت أكبر فى الأستواء وتضعى قليل جدا جدا من القرفه وقليل جدا جدا من بهارات الفراخ وقليل جدا جدا من الفلفل الاسود وتقلبى مده عشر دقائق تقريبا أو أقل ثم تضعى الكبده وتقلبى جيدا وتضعى مره أخرى القرفه والبهارات فقط ثم تقلبى جيدا وتتركيها معهم خمس دقائق ضعى عليم مقدار الماء الذى تريديه الذى يناسب الارز مثلا 3 أكواب ماء واتركيهم 3 دقائق

تكونى محمصه الارز شوفى الكميه بتاعه الكبد هتحتاج 3كوب أرز وربع مثلا تضعى فى المقلاه زيت كتير شويه وتضعى الأرز بعد أن تغسليه جيدا وتقلبى الأرز فى الزيت جيدا كله هينشف كدا ويتحمص الى ان بكون لون اصفر بسيط لاتحرقيه صفيه من الزيت ثم أسقطيه فى الماء بالكبد والقوانص وضعى الملح المناسب نصف معلقه كبيره تقريبا وقلبيهم مره الى أن يتشرب الماء ثم أنقلى الأرز على عين منخفضه الى ان يستوى

وبالهناء والشفاء أحلى مائده تسعدك فى رمضان أو أى وقت أو عزومه

أرجو الرد والدعاء لى ولوالدى ولأمه محمد

يسلم ايديكي بس انتي كدة جوعتيني يا زينة
فين ورق العنب دة اهم حاجة في المشهيات
عموما

بارك اللة فيكي وعليكى وعلى والديكي وعلى ال امة محمد اجمعين

مشكورين يا أخت زينه على هذي الطريقه ------

العفو ياشهرزاد ألف ليله وليله

لك سيدتى مائده رمضانيه(فراخ محشيه- رقاق(أممه)-بطاطس-ملوخيه -أرز بالكبد والقوانص) 564805764

شكرا بجد لك ياأمير المنتديات على مساهمتك ليه فى كل مواضيعى وأنتظر طريقه ورق العنب والمحشى

لك سيدتى مائده رمضانيه(فراخ محشيه- رقاق(أممه)-بطاطس-ملوخيه -أرز بالكبد والقوانص) 564805764

» شعر جميل بدون تقصف اليكى سيدتى هذه النصائح الغاليه