الطريق الى مغفرة الله .....

قال الله تعالي في نهاية سورة البقرة..
((لَا يُكَلِّفُ اللَّهُ نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلَا تُحَمِّلْنَا مَا لَا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ))

حبيت اقف عند بعض النقاط معاكم في تلك الاية..

اولا Sad

(لا يكلف الله نفسا الا وسعها))..

كتيسر مننا لما تيجي تقله علي حاجة يقلك لأ انا كفاية عليه كده لا يكلف الله نفسا الا وسعها...ياتري كام مرة اتكاسلنا عن حاجات واتخاذلنا في حاجات تانية بحجة لا يكلف الله نفسا الا وسعها...طيب انا عايز اسأل سؤال..

ياتري ((وسعها)) بتاعتك قد ايه؟؟؟؟

عمرك قبل كده وقفت مع نفسك وسألتها السؤال ده...الصحابة زمان كانت التعيين بتاعهم في الجيش((أكل الفرد في يوم واحد)) تمرة واحدة بس...وكان بياكلها ويحارب طول النهار ويقاتل...لأ مش جهاد بس كانوا كمان عباد لله طول الليل والنهار احسن مني ومنك...يعني كانوا من الاخر فرسان بالنهار عبد بالليل..زوكل ده بالتمره دي بس....

طيب ياتري احنا بناكل اد ايه؟؟؟وبنام ازاي؟؟؟وكام ساعة؟؟؟؟.....طيب الاهم احنا الناتج بتاعنا ايه بعد كل ده؟؟؟

بلاش اجاوب احسن لأن انا اشدكم تقصيرا وتفريطا...

من الاخر يعني عايز تقول ايه؟؟؟؟؟

عايز اقول ان الاية دي ياريت نخليها رحمة من ربنا لينا منخلهاش مدخل للشيطان..لان الشيطان بيدخل دايما من الايه دي عشان يضيق وسعها بتاعتك لحد لما يحسسك انك مش هتقدر تعمل حاجه...وخليك دايما علي ثقه في الله ثم في نفسك انك قادر انك تعمل الكتير...ليه متكونشي انتا اول واحد حفظ القران في اخواتك او عائلتك..ليه متكونشي اول واحد قام الليل سنه كامله من غير ميبطل يوم واحد..ليه انت متكونشي اغني واحد في مصر وتسلط الفلوس دي كلها في خدمة الدين...ليه؟؟؟

ثانيا:كسبت...اكتسبت

من قراءة القران هتلاحظ ان الفعلين مش زي بعض...كسبت غالبيا بييجي مع الاعمال الصالحة وربما يأتي مع الأعمال السيئة
انما اكتسبت تقريبا دائما بييجي مع الاعمال السيئة..

((إِنَّ الَّذِينَ جَاءُوا بِالْإِفْكِ عُصْبَةٌ مِنْكُمْ لَا تَحْسَبُوهُ شَرًّا لَكُمْ بَلْ هُوَ خَيْرٌ لَكُمْ لِكُلِّ امْرِئٍ مِنْهُمْ مَا اكْتَسَبَ مِنَ الْإِثْمِ وَالَّذِي تَوَلَّى كِبْرَهُ مِنْهُمْ لَهُ عَذَابٌ عَظِيم))..

ثالثا: Sad

(اعف...اغفر...ارحمنا))

يا تري في فرق يين العفو والمغفرة والرحمة؟؟؟..

ااه في فرق

الرحمة...احنا لما ندعوا لواحد ان ربنا يرحمه معناها ان ربنا يهديه للطريق المستقيم وانه يبعده عن المعاصي ويقيه السيئات...يعني انه ميقعش في المعاصي

الغفران...دي الدرجة التانية اننا ندعو لواحد بالمغفرة...يعني انه ارتكب معصيه وندعو الله الا يكتب له عقابا عليها ويمحها له.

العفو...اعلي درحة...فنحن عندما ندعو لاحد بالعفو...يعني انه ارتكب معصية وقد كتب له العقاب عليها بالفعل ولكننا ندعو الله ان يعفو عن تلك السيئة ويمحها هي وما كتب عليها من العقاب بسبب ارتكابها...والله تعالي اعلي واعلم...

يعني دوول كانوا تلات نقط حبيت ادردش معاكم فيهم...لو حد حب يضيف حاجه في نفس الأية...او خواطر له مع الايه يبقي شئ عظيم....

واسألكم الدعاء لي بالعفو من الله...

((اللهم انك عفو تحب العفو فاعف عني))

تحياتي شهرزاد الدوسري Evil or Very Mad

» لا اله الا الله محمد الرسول الله
» أعظم جنود الله
» فضل سورة البقرة ، ومكانتها عند الله